日子過得沒有什麼大道理，無聊但是簡單快樂的 ：）
重拾打blog的原因係，我哋屋企將會迎來一個巨大轉變，好想記低咁搞笑既一切：
健太會升級做哥哥太了！
老公會升級做爸子了！
我，會做人老媽子了！
WHATTTTTT! ちょっと待っててー
健太行慣獨L風，佢會習慣哥哥的身份嗎？會幫手湊bb嗎？
K本身非常害怕嬰兒，由其初生軟淋淋那種，每當有機會抱到嬰兒嬰兒都會大哭，場面生硬搞笑。幸而姪仔姪女的出生讓佢有機會實習一下，漸漸對嬰兒少了抗拒。也許智商相近，姪子很喜歡K（笑），K也開始冧滋滋。但要做人爸子好似係另一回事，無得瞓覺會唔會迫癲佢嫁？
雖然我很喜歡小孩子，但始終想像不到我當媽子會是怎樣，我內心還是一個細路啊！幸運地家人也沒有催促，沒有要求我們一定要生小朋友，所以我哋沒有很積極的跑數，奶奶閒是L但但的只係做咗body check，有就有無就無。朋友們曾經提供的排卵&探熱攻略我都有試玩，但對我完全唔WORK! 因為對攻略太有期望，甚至搞到自己好似做LAB咁不停check住晒，搞到自己癲癲地，遲嚟M就會誤鳴（笑）誤鳴幾次之後，K幫我改咗個花名做假懷孕既母狗，即係好似狗女咁，因為心理影響生理出現一d初期假懷孕既symptoms e.g. 頭痛、頭暈、體溫偏高等，嗌我認真d唔好搞事哈哈哈。
 |
| 淺色唔代表唔中！ |
某日下午，突然發現自己M遲來了1日，受之前誤鳴事件影響，奶奶閒的我拖咗3日先驗，結果驗左4次先相信眼前的結果，不斷懷疑d test kit係咪過咗期，又懷疑條 test line咁淺色係咪對結果好唔肯定。即刻通知隊長K「你好似真係要當爹了！」，隊長簡直不能相信即刻將話題轉到問我晚餐想食咩。我又問咗最想我入坑當媽子的朋友「Test Kit會錯嗎？連錯4次的機率是多少？」朋友大叫：「不 可 能 錯！恭 喜 你 真 的 當 媽 了！我 們 終 於 可 以 一 起 溜 小 孩 了！好 想 知 道 是 男 生 還 是 女 生 耶！」
就這樣，我開始接受了自己可能要當媽子了。將結果告知老豆、媽咪同奶奶，佢哋三個仲high過我，一方面驚我炸糊，又要我守秘密唔好同其他人講，一方面已經幫我安排好晒d野（笑，下篇再講）。而我就不停刨網上資訊又不停同K分享，一下子接受唔到自己當爹既K求我唔好再分享生仔資訊俾佢知，佢要打機同睇鬼滅之刄逃避現實麻醉自己（笑）
下篇再講下大家知道我有咗既反應 ：）
沒有留言:
張貼留言