胎動時光

早於15W尾產檢時，已經feel到肚入面有一個牛油果/水彈咁上下size既野郁嚟郁去，但感覺唔強烈，要好留心先感受到。寫下呢篇記錄時已經係20W5D了，由水彈fingfing下既感覺，宜家已經可以清楚感受到波Lu既郁動，感覺似飲得太多益力多/yoghurt個腸會郁得好快咁。

賽前預測

自從有咗，第一樣大家最想知既就係BB既性別到底係男仔定女仔，而又奇怪地大家（95%受訪者認為）覺得我一定係陀仔。

梅の呼吸

（標題係紀念隊長最近好鐘意鬼滅之刄，佢特別鐘意入面雷之呼吸嗰個角色lol 佢仲話要著雷之呼吸Tee去迎接bb出世）

產檢12345

好感恩有奶奶，由我發現有咗一刻開始，佢就問我有冇相熟既婦產科醫生（os：無啊奶奶），無既話就帶我去睇佢相熟既醫生朋友（係啊！就係當年接生K嗰個啊！）。我其實唔知頭唔知路，奶奶除咗細心講解仲幫我約埋時間😭之後仲擔心我唔識野山長水遠陪我去產檢❤️好定檔，我知道自己即使發夢都唔緊要lol有唔識就搵奶奶啦😂

因為疫情關係同埋身體不適，除咗產檢我其他時間都無出過街🙈好瘋狂啊！每次出門由屋企行到地鐵站已經有去機場嘅感覺，旅行感好重，好興奮啊😆

第一孕程 (0-12W) 順利通過！

***呢篇野...因為我太攰/hea/懶/不適...前前後後打左成個月🙈去到呢一刻已經15W4D了***

終於嚟到期待已久既12w（請幫我歡呼3聲先！），代表我順利通過孕程第一階段，亦代表胎兒開始穩定（過咗3個月唔使再講大話/支吾以對），終於可以好好紀錄一下呢3個月以嚟生理同心理變化。

大家的反應

發現咗自己有咗之後，第一時間梗係不停上網睇攻略！睇完又睇，睇完又即刻同隊長分享，雖然我都開始睇到有d燒腦狀態（有d媽媽真係研究得好深入鉅細無遺咁打低每一個step，有晒timeline同購物清單），可能因為太擔心既關係，當時我開始有fear of missing out既心態。

巨變發生的一個下午

呢個當年剛養健太開落的blog經荒廢數年以後，不知不覺今年健太已經7歲，由傻更更積極向上既小伙子變為懶肉大叔；隊友K已由男朋友變為老公，由零開始學會了包辦家務及成為健太的散步mate，每年都獲得最佳進步獎，大小事都交晒俾佢；而我仍然係烚烚下講廢話渡日。