第1孕期期間，口味變得好奇怪，雖然我無鐘意咗一d以前唔鐘意食既野（偏食既仍然偏食），但有d本身鐘意既野e.g.咖啡就好似瞓醒就甩咗舖癮咁「突然不愛了」，完全一d想飲既衝動都無（嗚啊買落既工具同咖啡豆好對唔住啊），又會突然癲咗咁好想食到某樣野直到食到為止，日日好似俾人玩咁，辛苦晒K陪我癲左幾個月（慘）。
呢幾個月除咗正常食物之外，陪我渡過既仲有以下零食：
佢地分別係梅醋糖（中）、梅糖（右下）、梅乾（右上）同埋梅既飯素（笑）
本身我已經好鐘意食酸野，有左bb之後更癲。記得第一個月時諗住是但買住包梅頂住先，點知驚為天人，即刻掃晒成個貨架既貨，K仲要chur住問埋店員睇下倉仲有無，個店員陰陰嘴笑都笑到癲咗lol（不過提提大家，呢隻梅有分蜜味同酸味，個人覺得蜜味好難食，包裝上好似好易買錯中伏，買既時候要小心）
糖呢我就麻麻地既，但見有梅味就試下啦。都唔錯，但個人又係鐘意梅醋糖多dd，有時個口好唔知點時（係啊個口原來會唔知點嫁！）可以食下。
樽既飯素就要介紹啦！呢幾個月完全食唔到白飯，一食就會嘔，咁點算呢？好在spot到呢支飯素，入面除咗梅干，仲有准山、芝麻、紫菜、昆布等，完全就係孕婦所需要既營養！（笑）最重要係我真係因爲呢支野可以食多兩啖飯，好開心。
除左以上常備梅，飲水都要加檸檬同薄荷先飲到😐又會好鐘意食酸到震既奇異果🥝明明胃酸都湧到上喉嚨火燒心都瞓唔到，偏偏控制唔到自己要食咁多酸嘢，呢個時間既自己真係好奇怪啊🙈🤷🏻♀️
沒有留言:
張貼留言