賽前預測

自從有咗，第一樣大家最想知既就係BB既性別到底係男仔定女仔，而又奇怪地大家（95%受訪者認為）覺得我一定係陀仔。
對我同K嚟講其實完全無分別，因為我本身都好男仔頭（K形容：女仔身體入面住咗個麻甩佬LOL)，所以就算我生咗個女我應該都會當佢係男仔咁湊。爸子K就比較想要男仔，因為男仔可以唔使扮靚無咁煩喎。

性別以外，我地比較在乎BB性格同腦袋。我同K本身係完全唔同性格同思考方式，生活節奏、生活時區、喜好都完全唔同，甚至乎我想搵我地既共通點都唔係好搵到，除左近年因爲共同相處日子耐咗開始變得好似樣之外，其實無嘢一樣。好珍惜我地唔一樣既地方，因為發現原來好多嘢都唔係一定要咁，生活應該有更多可能性。

我地成日幻想BB出嚟會點，例如有邊d特質似我，邊d似爸子好，所以我地無聊FF亂定咗d indicator又無理d weighting factor嚟投票 LOL (即係腳趾會同正直係一樣咁重要），一人一票投選咗以下結果出嚟。我衷心希望BB繼承爸子既好脾氣、聰明同智慧，其他無聊唔等駛野先好似我LOL

唔小心將桃花寫咗做桃力😆

投票結果：56%似爸子，44%似我LOL

唔知道BB會係點既呢？會唔會兩個都唔似呢？🙈😆